На вучняў ціснуць за неўступленне ў БРСМ, на настаўнікаў — за крытыку арганізацыі

5 снежня навучэнец 10-га класа сярэдняй школы №1 горада Докшыцы Павел Малюжанец быў выкліканы на гутарку да адміністрацыі школы. Падставай для гэтага стала прынцыповае нежаданне вучня ўступаць у БРСМ.

"Дырэктар школы Уладзімір Арцімёнка і намеснік дырэктара па выхаваўчай працы Святлана Вялічка выклікалі мяне пасярод урока, завялі ў кабінет дырэктара і пачалі пераконваць і запалохваць праблемамі з навучаннем. Але мне ўдалося адстаяць сваю пазіцыю. Думаю, зараз будзе ціск з боку адміністрацыі школы. Радуе, што аднакласнікі амаль усе на маім баку — чакалі мяне пад дзвярыма кабінета дырэктара, пакуль ішла размова", — паведаміў газеце "Наша Ніва" Павел Малюжанец.

Таксама ў той жа дзень быў выкліканы да дырэктара настаўнік замежнай мовы Уладзімір Мядзюха, які на адным з урокаў негатыўна выказаўся пра БРСМ.

абмеркаваць (3)

Аўтар: варг | 12.12 7:38

запарили этот брсм

Аўтар: Spadar | 12.12 23:01

Пра БРСМ у школе цяпер трэба гаварыць, як пра памерлага - або добра, або ніяк

Аўтар: просты | 17.01 1:13

БРСМ--гэта камсамол, гісторыя паўтараецца. Мы так і не навучыліся любіць родную мову і культуру, любіць адзін аднаго, мы не навучыліся працаваць, бо калі б працавалі--цанілі б тое добрае, чаму вычылі нас бацькі.

Цанілі б іх клопаты пра нас, цанілі б іх спадчыну: вялікую духоўнасць, супакой і розум.

Бо нам мой погляд, патрыёт--гэта не той, хто бешана арэ, не той, хто толькі і робіць, што абвінавачвае іншых, не той, што кідае камні, або забівае, патрыёт-- гэта той, хто адкрыта шукае праўды і адкрыта яе аглашае, імкнецца данесці яе да іншых. Але аглашае праўду не толькі пра іншых, а таксама пра самога сябе. Патрыёт--гэто той, хто са шчырым сэрцам можа сказаць:"Я тасама ўгэтым вінаваты, як і ўсе".

Кажуць, што беларусы--нямы народ, бо ім на ўсё напляваць. "Ліш бы мне было цёпла і ў халадзільніку ляжала палка кілбасы на заўтра". І што, я думаю: так правільна, так добра. Не, я проста эгаіст, свіння: дзе жыву, там і гажу. Але ж так ёсць.

Патрыёт--гэта чалавек, які захоўвае мір на зямлі,які нясе супакой, не гвалт, гэта чалавек,які ўмее любіць сябе і бліжніх, але бесперапынна імкнецца да праўды, а калі я з праўдай, чаго мне баяцца.
Ведаю, смела сказана, а як зробіш? Буду неяк імкнуцца. Каб перабудаваць Свет, трэба спачатку перабудаваць самога сябе.